許冠傑( Samuel Hui ) 拜拜 歌詞

9.拜拜

作詞：許冠傑／黎彼得
作曲：許冠傑

大眾又起舞，共暢聚相擁抱，
手拍手亂嘈，週身汗似焗爐。
大眾互傾訴，盡去內心苦惱，
功夫耍幾套，風騷吓梗襟老。

點知道，一口泡，啲街坊又試警告。

拜拜，又夠鐘啦咁快，拜拜，望下有乜冇帶，
拜拜，下次再玩過痛快，斟吓世界。
拜拜，又要走啦咁快，拜拜，實在點捨得猛嗌，
拜拜，第晚至玩過痛快，今晚係咁先啦，拜拜。

大眼共雞泡，話肚餓想醫肚，
走去深水埗，整番碟炸大蠔。
仲要燉豬腦，釀蟹蚶多啲醋，
鬼殺咁亂嘈，揾伙記攞枱布。

點知道，乜都冇，班爛佬話要閂舖。

拜拜，又夠鐘啦咁快，拜拜，望下有乜冇帶，
拜拜，下次再玩過痛快，斟吓世界。
拜拜，又要走啦咁快，拜拜，實在點捨得猛嗌，
拜拜，第晚至玩過痛快，今晚係咁先啦，拜拜。